Browse By

టి పైబర్ ప్రాజెక్టు పైన మంత్రి కెటి రామారావు సమీక్ష

తెలంగాణ ప్రభుత్వం చేపట్టిన టి ఫైబర్ ప్రాజెక్టు పైన మంత్రి కెటి రామారావు సమీక్షా సమావేశం నిర్వహించారు. హైదరాబాద్‌లో జరిగిన ఈ సమావేశంలో ఐటి శాఖ కార్యదర్శి జయేష్ రంజన్ తో పాటు ఇతర ఉన్నతాధికారులున్నారు. ఇప్పటిదాక టి ఫైబర్ ప్రాజెక్టు పనులు జరుగుతున్న తీరును మంత్రి అధికారులను అడిగి తెలుసుకున్నారు. మిషన్ భగీరథ ప్రాజెక్టు అధికారులు, వర్కింగ్ ఏజెన్సీలతో కలసి సమన్వయంలో టి పైబర్ ప్రాజెక్టు పనులు ముందుకు సాగుతున్నాయని అధికారులు తెలిపారు. ప్రస్తుతం వేస్తున్న పైప్ లైన్లన్నీంటితోపాటు పైబర్ డక్ట్ వేస్తున్నట్లు, అలా వేస్తేనే అయా పైప్ లైన్లకు బిల్లులు చెల్లిస్తామని అర్‌డబ్యూయస్ శాఖ పెట్టిన నిబంధనతో పనులు వేగవంతం అవుతున్నాయని తెలిపారు.


 ముఖ్యమంత్రి అలోచనల మేరకు మిడ్ 2018 నాటికి మిషన్ భగీరథ పనులు పూర్తవుతాయని, ఈ మేరకు వేగంగా పనులను అయన పర్యవేక్షిస్తున్నరన్న మంత్రి, మిషన్ భగీరథతోపాటు సమాంతరంగా టి పైబర్ పనులు పూర్తి చేయ్యాలని కోరారు. టి ఫైబర్ కు అవసరం అయిన నిధుల కోసం ఇబ్బందులు ఏం లేదని, ఈ మేరకు కేంద్ర , రాష్ర్ట ప్రభుత్వాల సహకారం అందుతుందని తెలిపారు. పైబర్ డక్ట్ ను వేస్తున్న తీరుగానే పైబర్ కేబుల్ వేసే పనులను కూడ ప్రస్తుతం పనులు చేస్తున్న వర్కింగ్ ఏజెన్సీలతోనే పూర్తి చేసే అంశాన్ని పరిశీలించాలని మంత్రి ఐటి శాఖ అధికారులకు అదేశాలిచ్చారు. అవసరం అయితే సాంకేతిక సహాకారం అందించాలన్నారు. త్వరలోనే కేంద్ర ప్రభుత్వ అధికారులకు టి పైబర్ గ్రిడ్ పైన పూర్తి స్ధాయి నివేదికను అందించనున్నట్లు అధికారులు మంత్రి తెలిపారు.    

టిపైబర్ ప్రాజెక్టుతో పాటు టి వర్క్(t-works) పైన మంత్రి సమీక్ష నిర్వహించారు. ఈ ఏడాది ఏప్రిల్ నాటికి పరిశోధనలకు, స్టార్ట్ అప్స్ కోసం టి హబ్ ఏర్పాటు చేసినట్లే ఏలక్ర్టానిక్స్, హర్డ్ వేర్ పరిశోధనల కోసం టి వర్స్క్ ను ప్రారంభిస్తామని, దీంతో నగరంలో హర్డ్ వేర్ పరిశోధనలకు, అలోచనలకు ఊతం లభిస్తుందని మంత్రి తెలిపారు. ఇప్పటికే వర్క్ ప్రారంభించేందుకు నగరంలోని 12 ప్రాంతాలను పరిశీలన చేసినట్లు, ఒకటి రెండు వారాల్లో టి వర్క్క్ ఏర్పాటు చేయబోయే ప్రాంతాన్ని ప్రకటిస్తామని మంత్రి తెలిపారు.

Facebooktwittergoogle_plusredditpinterestlinkedinmail